तहल्का नेपाल –

कोरोना कहरसंग संसार जुधिरहेको वेला वेष्टइन्डिज क्रिकेट टोली मङ्गलबार इंग्ल्याण्डको म्यान्चेष्टर पुगेको छ । गत मार्च महिनामा लकडाउन सुरु भएपछि इंग्ल्याण्डको भूमिमा आइपुग्ने वेष्टइन्डिज पहिलो खेलकुद टोली हो ।
इंग्ल्याण्ड क्रिकेट टोलीसँग वेष्टइन्डिजले तीन म्याचको टेष्ट श्रृङ्खला खेल्नेछ । जुन ४ तारेखदेखि नै सुरु हुने निर्धारण गरिएपनि अब भने पहिलो टेष्ट म्याच जुलाइ ८ मा सुरु हुने गरी तय गरिएको छ । ३९ सदस्य सम्मिलित टोलीमा २५ जना खेलाडी रहेका छन् । एन्टिगुआबाट म्यान्चेष्टरका लागि चार्टर विमान बस्नु अघि अन्तराष्ट्रिय मापदण्ड अनुसार नै कोरोना परीक्षण जानकारी दिईएको छ  । परिक्षण रिपोर्ट अनुसार  सबै खेलाडी कोरोनामुक्त छन् ।

एमिरेट्सस्थित ओल्ड ट्राफोर्ड पुग्ने बित्तिकै सबै खेलाडीको पुर्नपरीक्षण गरिनेछ । ओल्ड ट्राफोर्डमा क्रिकेट टोलीले तीन साता बिताउनेछ । लगत्तै पहिलो टेष्ट खेल्न क्रिकेट टोली साउथम्पटन प्रस्थान गर्नेछ ।
वेष्टइन्डिज क्रिकेट टोलीका कप्तान जैसन होल्डरले खेलकुद जगतमा यो सबैभन्दा महत्वपूर्ण पाइला हुने प्रतिक्रिया दिनुभएको छ । बन्द रङ्गशालामा १३ मार्चमा अष्ट्रेलियाले न्युजिल्याण्डलाई पाँच म्याचको एकदिवसीय श्रृङ्खलामा ३–१ ले हराए यता यो पहिलो अन्तर्राष्ट्रिय क्रिकेट हुनेछ ।

कोरोनो महामारी कै अवस्थामा यस प्रकारको खेल आयोजना हुनुले विश्वभर सकारात्मक संदेश दिएको छ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.